Xa podedes descargar todos os artículos de prensa relacionados co Fetega 2009.
Son catro arquivos PDF comprimidos (9 MB cada arquivo aprox. )

 Arquivo 1     Arquivo 2   Arquivo 3   Arquivo 4         

O Festival de Teatro Galego do Carballiño medra en público cada día, cunha media de 150 espectadores o día, Grazas as compañías por facernos soñar e mostrarnos os seus traballos. Grazas aos colaboradores privados e públicos e a vós, querido e respetado público. Vémonos no Carballiño. Temos cita co Teatro Galego.

Os premios FETEGA diste foron:

MELLOR ACTRIZ: PATRICIA DE LORENZO (compañía Chévere_obra: testosterona)
MELLOR ACTOR: ERNESTO CHAO (compañía Lagarta Lagarta_obra: o segredo dos hoffman)
MELLOR ESPECTÁCULO otorgado polas votacións do público: TEATRO DE NINGURES (obra: atrabilis)

Proximamente publicaremos toda a información na web. Grazas por asistir e apoiar o FESTIVAL DE TEATRO DO CARBALLIÑO!!!!!!!

Hoxe a partir das 22:00 h. no MULTIFUNCIONAL do Carballiño celebrarase a "Gala de Entrega de Premios Fetega 2009", coñeceremos cal e a obra que se levará o Premio do Público e tamén coñeceremos quen será a mellor actriz e o mellor actor, segundo o xurado, do Fetega 2009.Tamén entregarasé o Premio Honorífico Fetega 09 ao actor e director XULIO LAGO.

A Gala será presentada por CÉSAR CAMBEIRO  e contará coas actuacións da compañía SAN & SAN e do cantautor carballiñés ROBERTO SOBRADO

Vémonos no Carballiño.

 Segunda estrea e cuarto día,  combinación gañadora! Xa foron tres espectáculos que calaron fondo... poesía e música, segredos e prospectos... E para deixar a mellor pegada e ganas do FETEGA 2010 o espectáculo Atrabilis, de TEATRO DE NINGURES... que ben seguro nos deixará un bo recordo!

Atrabilis: Nazaria, Daría e Aurora son tres irmás xa anciás que viviron toda a súa vida xuntas nunha grande casa dunha aldea calquera. Esta noite de xoves están reunidas para velar o cadáver do marido de Nazaria, a única que casou, acompañadas da fiel criada de Nazaria, Ulpiana. E será ao redor deste velorio onde saian á luz as eternas querelas entre as irmás e eses segredos ocultos que permaneceron alí, latexantes, durante cincuenta anos.

Actores: Casilda García, Sonia Rúa, Josi Lage e Fran Paredes.
Dramaturxia: Laila Ripoll
Dirección: Etelvino Vázquez

Actores

Despois de que onte pola noite as dúas actrices da compañía CHÉVERE conseguiran emocionar, facernos rir e participar ao numeroso público que asistiu á segunda xornada do festival, hoxe tócalle a quenda á Compañía TEATRO NU coa súa obra "Coa palabra na lingua"

"Coa palabra na lingua": Concerto en dúas linguas para dous actores e un músico Dous actores de diferentes nacionalidades, diferentes linguas, aínda que unidos por moitas afinidades culturais, constitúe un problema á hora de deseñar un proxecto? Nós cremos que non. Consideramos que a convivencia do galego co portugués é posíbel. Por iso buscamos, nun xénero límite, como é a poesía, o encontro teatral de dúas formas de falar distintas.

Actores: Mónica Camaño, Zé Paredes e Anxo Graña
Dramaturxia: Varios
Dirección: Zé Paredes

Desvelado o Segredo!

Onte ás 22 30h comezou o FETEGA09 coa estrea de Lagarta Lagarta e o seu espectáculo O segredo dos Hoffman. Moita xente, máis do 80% do aforo, congregouse para gozar da calidade interpretativa dos compoñentes desta compañía, baixo a dirección de Rosa Álvarez. Desexemos longa e reveladora xira a este espectáculo que foi recibido en Carballiño co cariño que merecían!
Quedamos hoxe para recuncar? CHÉVERE coa obra Testosterona!... Non o perdas!!

"Testosterona": Tito e Fran son dous colegas que acaban de montar un grupete de punk-rock, Os Dildos. Hoxe terán que tocar eles dous sós, guitarra e batería, porque Luismi, o baixista, deixou o grupo antes
de que puidesen dar o  seu primeiro concerto. Tito é a figura carismática dos  Dildos, un guitarrista curtido en todo tipo de conflitos  e disputas. Fran é o cerebro do grupo, un baterista atípico que escribe coa mesma contundencia coa que golpea na caixa.

Actores: Natalia Outeiro e Patricia de Lorenzo.
Dramaturxia: Patricia de Lorenzo, Natalia Outeiro e Xesús Ron.
Dirección: Xesús Ron

Hoxe comenza o Fetega 09 ca actuación da compañía LAGARTA LAGARTA coa estrea da obra " O Segredo dos Hoffman":

" O Segredo dos Hoffman": Catro membros dunha familia, rota por un segredo oculto durante anos, reúnese co motivo do falecemento da avoa Constanza. Os seus recordos, soños e anhelos describen un universo pechado, de enorme carga emotiva, nun texto coral que esmiúza unha historia intensa e envolvente

Actores: Xosé Barato, Ernesto Chao, Belén Constela e Rebeca Montero.
Dramaturxia: Roberto Salgueiro e Alejandro Palomas.
Dirección: Rosa Álvarez

O venres 4 de setembro, tres días antes de comezar, foi a Presentación aos medios do programa do FETEGA09!, teatro para ver e tamén para facer: catro espectáculos, dous deles son estreas, e dous obradoiros, de improvisación e zancos... Nada máis e nada menos!

Coa presenza de representantes das institucións públicas, Concello de Carballiño, Deputación de Ourense e Xunta de Galicia, e arroupados polo presidente da Asociación de Actores e Actrices de Galicia, Vicente Montoto, e por Ernesto Chao, membro de Lagarta Lagarta que actúa o luns 7, Josi Lage compartiu cos medios a calidade dos espectáculos escollidos para esta edición que xa cumpre cinco anos amosando o mellor teatro galego!. Vémonos no Carballiño!

  a presentación do Fetega nos medios: La Región_la Voz de Galicia_Faro de Vigo

Hoxe as 12:30 h no salón de plenos de O Carballiño terá lugar a rolda de prensa, para presentar o 5º Festival de Teatro Galego do Carballiño.Mañá publicaremos toda a información na web.